logo

Главная Новости

Жанубий Кореяда ишлаш истагидаги фуқаролар учун 8-12 октябрь кунлари тест синовлари ўтказилади / Ўзбекистон янгиликлари, энг сўнгги хабарлар

Опубликовано: 05.10.2018

 

– 3 минг юз квота ажратилган

– Ташқи меҳнат миграцияси агентлиги Россия, Польша билан ҳам ҳамкорлик қилмоқда

– Меҳнат мигрантлари транспорт ва бошқа харажатлари учун “Ипотекабанк“ орқали 1000 долларгача кредит олиши мумкин

– 2 апрелдан 27 сентябргача 26 минг 200 нафар фуқарога 300 минг сўмдан беғараз кўмак ажратилди

– Поезд ва самолётга чипта харид қилиш учун бир йилда бир марта 300 минг сўмдан тўлов тақдим этилмоқда

Ташқи меҳнат миграцияси масалалари агентлиги Жанубий Кореяда шартнома асосида меҳнат қилиб, қайтган ва такрорий бориш истагидаги фуқаролар учун 8-12 октябрь кунлари тест синовлари ўтказилишини маълум қилади .

ЎзА хабарига кўра , белгиланган квота уч минг юзта бўлиб, қолган номзодлар иш берувчининг танловини кутиб турибди. Шунингдек, Латвия билан тузилган келишувга асосан келгуси йилдан бошлаб мавсумий ишларда ишлаш учун юртдошларимиз жалб этилади.

Тизимда олиб борилаётган ислоҳотлар туфайли хорижда ишлаш учун бориш истагини билдирган фуқароларга бир қанча имтиёзлар яратилмоқда. Жумладан, “Ўзбекистон темир йўллари“, “Ўзбекистон ҳаво йўллари“ чипталарига чегирмалар, шунингдек, чипта харид қилиш харажатларини қоплаш учун бир йилда бир маротаба 300 минг сўм миқдоридаги беғараз тўлов тақдим этилмоқда.

Жорий йилнинг 2 апрелидан 27 сентябрь санасига қадар 300 минг сўм миқдоридаги беғараз кўмакни 26 минг 200 нафар юртдошимиз “Алоқабанк” орқали олишга эришди. Бундан ташқари, меҳнат мигрантлари транспорт ва бошқа харажатлари учун “Ипотекабанк“ орқали 1000 долларгача кредит олиши мумкин. Бундай имкониятдан минглаб фуқароларимиз фойдаланмоқда.

Ташқи меҳнат миграцияси агентлиги Россия, Польша, Жанубий Корея каби давлатлар билан ташқи меҳнат миграцияси соҳасида фаол ҳамкорлик алоқаларини йўлга қўйган. Улар хорижда ишлаш истагини билдирган фуқароларимизга зарур шароитлар яратишга кўмаклашмоқда. Юртимизнинг турли ҳудудларида фаолият юритаётган минтақавий бюроларда хорижга кетувчи фуқаролар ўқитилиб, уларга ҳуқуқий маслаҳатлар берилмоқда.

Қўшимча маълумот Ташқи меҳнат миграцияси масалалари агентлиги расмий сайтида эълон қилинган.

UZ24: Хабар ва янгиликларни  Facebook Twitter Telegram ' да ҳам кузатиб боринг




Новости

     RSS подписка
Популярное
Путешествие по миру © 2024.
rss